Ой тогтоолтоо сайжруулаx 10 арга

Өдөр бүр л хүний нэр, зүс царай, утасны дугаар болон бусад жижиг сажиг зүйлсийг цээжлэх шаардлага гардаг.
Энэ бүхэнд ихээхэн хүчин чармайлт гаргадаг хүмүүс цөөнгүй. Тиймээс ой тогтоолтоо сайжруулахын тулд дараах зүйлсийг мөрдөхөд л хангалттай.
1. Зүй тогтлыг олох
Урт өгүүлбэр юм уу, үргэлжилсэн олон тоог цээжлэн дасгал хийх нь хамгийн шилдэг арга.
Жишээлбэл: 3810151722242931363843
Удаан хугацааны ажиглалт удалгүй тоон дарааллын зүй тогтлыг таниулдаг. Зүй тогтлыг нь мэдсэнээр та зөвхөн эхний дугаарыг цээжлэхэд л хангалгалттай. Энэ арга танд түлхүүрийг нь олчихвол цоожийг нээх амархныг санагдуулах болно.
2. Холбоо хамаарал
Энэ арга тоо цээжлэхэд илүүтэй хэрэглэгддэг. Та эргэн санахад амархан зүйлтэйгээ тоог хамааруулан цээжлэхэд хангалттай.
Жишээлбэл: 360007365 Эдгээр тоог гурав гурваар нь хэсэгчлэн хуваагаад санахад амар зүйлээр төлөөлүүлэн цээжил. 360-ыг Хbох-той, 007-г Жэймс Бонд, жилд 365 хоног байдаг гэх мэт. Тоо цээжилнэ гэдэг толгой өвдөх зүйл биш байгаа биз.
3. Цагаан толгой
Бид бүгд л цагаан толгойг сайн мэддэг. Тиймээс үгсийг цээжлэхдээ үүнийгээ ашиглаж болно. Хэрэв танд АНУ-ын мужуудын жагсаалт шиг олон зүйл цээж шаардлага гарсан бол нэг мужийг нэг үсэгт харгалзуулан цээжлэх хэрэгтэй. Дараа нь үсгээ хараад л цээжилсэн зүйлээ эргэн санах болно.
4. Төрөлжүүлэх
Энэ арга олон зүйл цээжлэх үед илүү үр дүнтэй. Тэднийгээ бүлэг болгон ангилна гэсэн үг. Яг л дэлгүүр орохдоо гаргадаг жагсаалт шиг. Алим, шампунь, бяслаг, сүү, элсэн чихэр, гадил, саван, самар, гурил
Одоо тэднийгээ: Жимс: Алим, гадил
Хуурай бүтээгдэхүүн: Самар, элсэн чихэр, гурил
Өдөр тутам хэрэглэх зүйлс: Сүү, бяслаг
Угаалгын өрөөнд: Шампунь, саван гэх мэтээр ангилбал цээжлэхэд дөхөм байдаг. Цээжлэх зүйлүүдээ ангилах бас нэг арга бий. Дэлгүүрийн бараа ангилсан байдлаар авах зүйлсийнхээ жагсаалтыг гаргавал танд ч амар байх болно.
5. Хэсэгчлэх
Өдөр бүр цээжлэх шаардлагатай зүйлст эл аргыг хэрэглэдэг. Жишээлбэл, утасны дугаар цээжлэхдээ орон нутгийн код болох эхний гурван тоог, дараагийн гурвыг гэх мэтээр хэсэгчлэн цээжилбэл илүү үр дүнтэй.
6. Хэлбэр дүрсээр тогтоох
Хүний нэр тогтооход хамгийн үр дүнтэй арга бол хэлбэр дүрсийг ашиглах арга. Жишээлбэл Хэрвээ та Сүхээ гэх хүнтэй танилцвал нүүрэнд нь томоос том сүх байгаа мэтээр төсөөлөн тогтоочиход л болно. Зугаатай хэрнээ үр дүнтэй арга шүү. Эсвэл түүнтэй танилцах үед ойрхон байсан зүйлс болон, түүний биеийн ерөнхий байдлыг ямар нэг хэлбэр дүрсээр төлөөлүүлэн цээжилж ч болох шүү дээ.
7. Төсөөлөх
Нэлээд эртний арга. Цээжлэх зүйлээ нүдэнд ил харагдахуйц газар байрлуулах нь төсөөлөх аргын гол техник. Жишээлбэл, та ногоо худалдан авах жагсаалтаа цээжлэхээр шийдсэн бол гэрийнхээ хамгийн их холхидог хэсгүүдэг ногоогоо нэг нэгээр нь байрлуулна.
8. Үлгэр зохиох
Энэ аргыг хэрэглэн юм цээжлэх нь маш сонирхолтой. Та цээжлэх ёстой зүйлүүдээ нэг болон нэлээд хэдэн өгүүлбэрт багтаан цээжилнэ гэсэн үг. Жишээлбэл, та тор, алим, сам, муурны хэвтэр зэргийг худалдан авах гэж байгаа бол Алиманд дуртай Жэйн муурынхаа хэвтрийг цэвэрлэхээр Фэликсээс тор авахдаа талархсан сэтгэлээ илэрхийлэн шинэ сам бэлэглэсэн гэнэ.
9. Товчлох
Үг болон текст цээжлэх үедээ энэ аргыг хэрэглэвэл илүү үр дүнтэй. Товчлохдоо үгийн эхний үсэг болон үеийг хураангуйлна. Жишээлбэл, "Хүүхэд бүр жимсэнд дуртай" хэмээх өгүүлбэрийг ХБЖД гэж хураангуйлна. Үүндээ солонгын өнгөний дараалал, нот зэргийг оролцуулбал илүү үр дүнтэй байдаг.
10. Харьцуулах
Аливаа үгийг цээжлэхдээ түүний шинж чанарыг санахад хялбар зүйлстэй харьцуулан тогтоовол хялбар байдаг. Жишээлбэл, саванг үнэрээр нь цэцэгтэй эүйрлэж, эсвэл өнгө, хэлбэрээр нь бусад зүйлстэй харьцуулна.

"Үгүй, би уухгүй"

Архиний тухай жоохон юм бичдэг юм билүү гэж бодлоо. Ер нь ингээд хараад байхад манай Монголчууд архинд нугасгүй юмаа. Юу л болно, бүгд дээр нь 'идээний дээж' гэж байгаа л 'хэнд ч хэрэггүй' ус уух юм даа.

Миний хувьд би багаасаа архинд дургүй болж өссөн гэхүүдээ. Ер нь архи уусан хүн их 'тэнэг' харагддаг. Яагаад ч юм бүү мэд. Цаана нь, миний бодлоор, энэ хүн үнэхээр тийм ухаантай л юм бол өөрт нь ямар ч хэрэггүй, дээр нь биенд нь муу (архийг хүний биед хэрэггүй гэдгийг тогтоогоод наян жил болж байна гэж хэлж болох байх, ганц хоёр хурц өвчний үед 50гр-ийг хэрэглэдэг байж магадгүй) энэ зүгээр л усыг ууж байдаг. Логикоор, энийг "Архи уудаг бол Тэнэг" гээд тодорхойлчихож болох юм шиг. Бас нэг үг байдаг. Бид нар тамхи татдаг хүнийг тамхичин гэж нэрлэдэг. Тэгвэл архи уудаг л бол "Архичин" гээд нэрлэчихэж болох нь байна шд, хэхэхэ.

За намайг ингээд баахан юм биччихээр (манай Монголд маань архи амсаж үзээгүй хүн гэж байхгүй, найман настай балчираас наян настай буурлыг хүртэл гэж ба орхилгүй бүгд архийг их бага хэмжээгээр хэрэглэж үзсэн байгаа) хүмүүс уурлах байхдаа. Азаар миний блог тийм олон хэрэглэгчтэй биш юм шиг байна, би+манай хэдэн найзууд & that's it.

Өө нээрээ нэмээд жоохон юм хэлэхэд би одоо ... настай, архи амсаж огт үзээгүй. За тэгээд Монголчууд минь зүгээр л "Үгүй, би уухгүй" гээд хэлчихэж болдоггүй юм уу? Та чинь өөрийн гэсэн толгойтой юм байгааздээ?

Урт наслахын нууцаас

Мэдээж бид єндєр насалж, vр хvvхэд, ач гучаа тойруулаад бужигнаж суухыг хvсдэг шvv дээ. Монголчууд бидний дундаж наслалт тийм ч урт биш, эмэгтэй хvний дундаж наслалт 65, эрэгтэй хvний дундаж наслалт 63 гэж уншиж байсан юм байна. Харин япончуудын дундаж наслалт эрчvvд нь 78, эмэгтэйчvvд нь 85 гэсэн. Бид яагаад урт насалж болохгvй гэж. Генетикийн хувьд хvн 120 хvртэл наслах боломжтой гэж vздэг юм билээ. Эрчvvд эмэгтэйчvvдээс 5-10 жилээр бага насалдаг болох нь судалгаанаас харуулдаг бєгєєд, эрчvvд ялангуяа идэж буй зvйл, хєдєлєгєєндєє бага ч гэсэн анхаарал хандуулах хэрэгтэй юм шиг. Эрvvл энх, урт удаан наслах нь гагцхvv эмнэлгээс шалтгаалдаггvй. Харин таны амьдрах ухаан, амрах ухаан, хєдєлгєєн, хооллолт гээд хамгийн энгийн ойлголтыг хэрхэн хэвшvvлж сурснаас шалтгаална. Эрvvл байх, урт наслахын тулд баримтлах зарчмуудаас толилуулъя.
1.Цадталаа бvv ид. Хоолонд битгий шуна. Хvнд 2500 к.калори хэрэгтэй гэдэг ч 1500-аар л хязгаарла. Ингэснээр та эд эсийнхээ ачааллыг зохицуулж, идэвхитэй байдлаа бvрэн хадгалж чадна. Биеийн эд эс хурдан шинэчлэгдсэнээр бие организм байнга євчинд нэрвэгдэж байдаг юм. Тийм ч учраас их ч биш, бага ч биш тааруулан хооллож сур.
2. Таны хэрэглэж байгаа хоолны жор, хольц хачир насандаа тохирсон байх хэрэгтэй. Тухайлбал 30 настай эмэгтэй хvн vхэр, хонины элэг, жимс, самрын зvйл идвэл vрчлээ мєддєє суухгvй. 50-иас дээш насныханд кальци оролцсон хоол хvнс хэрэглэвэл яс болоод зvрхийг хэвийн байлгахад тустай. 40-єєс дээш насны эрчvvдэд цагаан идээ болон бєєрийг хоолонд хэрэглэж бай. Энэ нь стрессийг сааруулах сайн талтай.
3. Єєртєє тохирох ажил эрхэл. Ажил хийдэггvй хvн ажил хийдэг чацуутнуудаасаа 5 насаар ах юм шиг харагддаг байна. Ер нь нийгэм судлаачдын судалгаанаас vзэхэд хєгжим судлах, гvн ухаан судлах, уран зураг сонирхолох нь залуужуулах увидастай.
4. Амьдралынхаа ханийг зєв сонго. Хайр дурлал, нинжин сэтгэл таныг хєгшрєхєєс сэргийлж чадна. Та долоо хоногт 2 удаа бэлгийн харьцаанд орвол даруй 14 насаар залуужина гэдгийг судлаачид тогтоожээ.
5. Єєрийн гэсэн санаа бодолтой бай. Ухамсартай амьдарч байгаа хvн дарамтад тєдийлєн єртєхгvй. Урсгалаар идэвхигvй замнагч л vргэлж дарамтад орж байдаг шvv дээ.
6. Хєдєлгєєнтэй бай. Єдєрт спортоор наймхан минут оролдоход л амьдрал чинь хэдэн жилээр уртсаж байна гэсэн vг. Хєдєлгєєнд ялангуяа 30 наснаас хойш боловсролт нь саардаг єсєлтийн дааврууд чєлєєлєгддєг.
7. Сэрvvн орчинд унтаж бай. 17-18 хэмээс илvvгvй температyрт унтаж сурвал залуу тєрхєє удаан хадгалж чаддаг нь нэгэнт батлагдсан. Таны хvрээлэн байгаа орчны температyраас организмын бодисын солилцооны шинж тэмдгийн илрэл шалтгаална.
8. Цаг vргэлж єєрийгєє зугаацуулж бай. Єєрийгєє юм бvрээс хязгаарлахыг бvv эрхэмлэ. Зарим vед амьдралын хатуу хvрээнээс гарч бай. Амьдралын єєрийн тогтсон хэм хэмжээг зєрчиж, хаалттай, амтат хэлтэрхий хvртэхийг зарим vед бодож, сэтгэж хийж байгаарай. Энгийн жишээ авахад л шинэ цамц таалагдвал мєнгє гамнах бодлоо орхих хэрэгтэй.
9. Уур уцаараар єєрийгєє бvv дарамтал. Єєрийг тань юу гомдоогоов, хэнтэй маргасан зэргээ зарим vед нуулгvй ярьж бай. Сэтгэлийн шаналгаагаа тайлж чаддаггvй хvн євчинд хялбар нэрвэгдэх буюу хорт хавдараар євдєж болзошгvйг санаж яв. Судалгаанаас vзэхэд ємєн vv євчнєєр євчлєгсдийн дийлэнх нь уур уцаарт єртєгсєд байдаг юм.
10. Тархиа vргэлж дасгалжуул. Yгийн сvлжээ таах дасгал, хамт олонтойгоо тоглож наадах, ухаан бодол шаардсан ямар ч зvйлийг хийж бай. Энэ нь ухааны чадварыг сайжруулаад зогсохгvй зvрхний ажиллагаа, цусны эргэлт болон бодисын солилцоог идэвхижvvлдэг юм шvv.
За эцэст нь танд сануулахад сэтгэл хангалуун, жавхаалаг байх нь урт удаан наслахад зайлшгvй нєлєєлдєг гэдгийг хэлье. Та бvхэнд урт удаан наслахыг ерєєе.

Эхийг "Єглєєний санамж" номноос.

Love Actually - All I want for Xmas

Бас нэг гоё кино.

Миний дуртай киноны нэг.

Аз жаргал аз жаргалтай хүнд л ирдэг /Сонжоо/

Энэ асуултанд хүн бүхэн л өөр өөрийнхөөрөө хариулж чадна. Сэтгэл санааныхаа тэнцвэртэй байдлыг хадгалж, амьдралыг бүрэн дүүрэн мэдрэх чадвар нь хүний өөрийн нь дотоод байдлаас хамаардаг гэнэ. Нэрт сэтгэгч Ларошфуко “Аз жаргал аз жаргалтай хүнд ирдэг, харин зовлон гуниг зовлон гунигтай хүнд л ирдэг…” гэж хэлсэн байдаг. Тэгвэл та өөрийгөө аз жаргалтай хүн мөн үү гэдгийг мэдэхийн тулд дараахь асуултуудад хариулаад үзээрэй.

1. Та өөрийнхөө амьдралын тухай дурсахдаа
а. Ашиглаж чадаагүй байгаа боломжуудын тухай бодно - 1
б. Амьдралд минь тохиолдсон олон сайн сайхан явдлын тухай бодно - 2
в. Өнгөрснөө бодох тусам гуниг, харуусал л төрдөг - 0

2. Зөвхөн гэр бүлийнхээ хүрээнд өнгөрүүлэх баяр боллоо. Энэ үед танд юу гэж бодогддог вэ?
а. Энэ ч миний хувьд дэндүү уйтгартай хэрэг байна аа - 0
б. За яах вэ, хааяа ингэж амарсан ч болохгүй нь юу байх вэ? - 1
в. Хамгийн ойр дотны хүмүүстэй хамтдаа байх сайхан боломж гарч байгаа юм биш үү? - 2

3. Таны хань бол
а. Хамгийн сайн хүн - 2
б. За даа, сэтгэлд минь хүртэл ч хол байна даа - 0
в. Жирийн л нэгэн - 1

4. Та ажилдаа дуртай юу?
а. Яаж дуртай байх юм бэ?, энэ чинь ердөө л ажил шүү дээ… - 0
б. Зүгээр, болоод л байдаг юм - 1
в. Тэгэлгүй яах вэ! - 2

5. Өөртөө тохиолдсон эртний нэгэн хайр дурлалын тухай бодохдоо та
а. Тийм сайхан гэгээн дурсамжийг зүрх сэтгэлдээ хадгалж явах хэрэгтэй - 2
б. Тэр бол миний амьдралд тохиолдсон хамгийн чухал хүн биш байсан юм аа - 1
в. Би энэ тухай санах ч дургүй - 0

6. Та толинд хараад юу боддог вэ?
а. Өөрийгөө толинд харах л юм бол өдөржингөө сэтгэл гундуу байдаг - 0
б. Өнөөдөр би ямаршуухан байдалтай харагдаж байна даа гэж боддог - 1
в. Өөрөө өөртөө аятайхан инээмсэглээд нүдээ ирмэдэг дээ - 2

7. Найз чинь амралтаараа Кипр арал руу явлаа. Харин та бөглүү жижигхэн суурин дахь эмээгийнхээ байшинг засах болжээ.
а. хөдөө, нам гүм газар амрах би дуртай шүү - 2
б. надад дахиад л аз таарсангүй - 0
в. за яах дээ, Кипр лүү дараа л явна биз - 1

8. Хүүхэд тань тэмцээнд маш амжилттай оролцлоо
а. Мэдээж хэрэг, тэгэх гэж л бэлдэж цаг зарсан юм чинь - 1
б. Ээ дээ, өрсөлдөгчид нь сулхан хүүхдүүд байсан байлгүй дээ - 0
в. Миний хүү олон юманд авъяастай гэдгийг би мэдэлгүй яах вэ? - 2

9. Хэрвээ танд амьдралаа цоо шинээр дахин эхлэх боломж гарвал
а. Яг одоогийнх шигээ амьдрах болно - 2
б. Өмнөх алдаагаа аль болох багахан шиг давтахыг хичээнэ дээ - 1
в. Тэгж болдогсон бол ч бүгдийг нь л өөрчилмөөр байна - 0

Харин одоо оноогоо тоолоод үзээрэй.
13-18 оноо. Та аз жаргалтай байж чаддаг, амьдралд бүтээлчээр ханддаг хүн юм. Гэхдээ хувь заяа таныг бусдын адил хааяа хааяахан хатуухан шалгадаг ч та өөртөө итгэх итгэлээ алддаггүй юм байна. Үргэлжийн өөдрөг сэтгэл, амьдралд дуртай зангаараа та бусдын хувьд ихээхэн том нөмөр нөөлөг болдог, тэднийг өөртөө татах их хүчийг агуулдаг ажээ.

7-12 оноо. Аз жаргал гэдэг таны хувьд сэтгэл санааны тогтвортой байдал биш, түр зуурын л мөч юм. Та өөрийгөө бүрэн дүүрэн аз жаргалтай гэж боддоггүй. Танд аз жаргалтай байхад чинь юу саад болоод байгааг нэг тунгааж үзээрэй. Магадгүй амжилтын хойноос хэт улайран хөөцөлдөж байгаа чинь юм уу, өөртөө хэтэрхий шүүмжлэлтэй ханддаг болохоор тэр үү, эсвэл ердөө сэтгэл санаа чинь их залхуу байна уу гэдгийг мэдэхийг хичээгээрэй.

0-6 оноо. Та өөрөө өөрийнхөө бодож байгаа шиг тийм аз жаргалгүй хүн биш юм биш үү? Хэрвээ та амьдралыг харж буй “хар шилээ” авчихаж чадвал амьдрал тань хамаагүй хөнгөн болно доо. Та өөртөө болон ойр дотныхондоо итгэж бай. Хувь заяа гэдэг чинь өөрийг нь зоригтойгоор тосон ирж яваа хүнд л инээмсэглэдэг гэдэг шүү дээ…!

Аз жаргал гуйлгачин шиг

Аз жаргалыг дараа ир гэж бүү буцаа
Анхны яргуй цасан дороос ургадаг шиг
Аадар бороо дээд тэнгэрээс асгардаг шиг
Аз жаргалын элч цаг цагтаа ирдэг юм

Хойтон жилийн наадамд өмсөхөөр хадгалсан
Хоргой эмжээртэй дээл бишээ аз жаргал
Бороо сүлсэн нарны гэрэл солонго болон нумладаг шиг
Бодол ариуссан насны жаргал хайр болон ивлэдэг юм

Зузаан янаг сэтгэл үүрдийн үүрдийг хүслээ ч
Зуурдын энэхэн хорвоогийн зураг төөрөг хатуу
Арзыг хорз болтол нь нэрж болохоос бус
Аз жаргалыг дараа эдэлнэ гэж хадгалж болдоггүй юм

Аз жаргалыг дараа эдэлнэ гэж өөрийгөө бүү хуур
Ачит ээжийгээ дараа жаргаана гэж өдөр хоногийг бүү хуур
Аугаа эх орноо дараа мандуулна гэж өстөндөө бүү хуурт
Алаг үрээ дараа ир гэж үрийн заяаг бүү хуур

Аз жаргал гуйлгачин шиг үүдийг чинь тогшвол бүү хөө
Агшин хором бүхэн эргэж ирдэггүйг бүү умарт
Ариухан сэтгэлийн үнэн үгээ бүү хадгал
Аяндаа минийх л юм чинь гэж намайгаа бүү шаналга

Шаглаж дуусаагүй үлдсэн торгон дээл шиг
Шаналалд идэгдсэн гундуу заяа үлддэг юм
Шатаж дуусаагүй унтарсан гал шиг
Санасаар яваад өнгөрсөн дутуу амьдрал үлддэг юм

Алтан дөрөө уяан дээр хангинахад
Аянчин хорвоогийн морийг тосож ав
Аяар аяар хаалгыг чинь тогших
Аз жаргалыг бүү буцаа...

Б. Энхтуяа
1996 он

Цаг бол алт

Бяр чадлын ундарга тул
Бодож сэтгэхэд цаг гарга.

Бага залуу харагдах тул
Тоглож наадахад цаг гарга.

Орчлонгийн жам өршөөлгүй тул
Мөргөж сүсэглэхэд цаг гарга.

Оюун ухаан дундрашгүй тул
Уншиж мэдэхэд цаг гарга.

Ариун хишиг бурханых тул
Хайр сэтгэлдээ цаг гарга.

Аз жаргалын харгуй тул
Найз нөхөртөө цаг гарга.

Зурх сэтгэлийн дуулал тул
Инээж баясахад цаг гарга.

Зүдрэх цаг ээлжтэй тул
Өглөг хишигт цаг гарга.

Хөлс болгон шагналтай тул
Ажил хөдөлмөрт цаг гарга.

Хүрэх диваажин нэхэлтэй тул
Буян хураахад цаг гарга.

Эхлэл Beginning

Ер нь хүн өдөрт хэдэн юм дунджаар бодож, хэдэн мэдээлэл дунджаар хаанаас олж авдаг юм бол? Үүнийг гаргасан, ядаж ойролцоогоор гаргасан юм байдаг л байх. Тэгээд энэ блогоо уг нь тодорхой нэг сэдвээр дагнаад бичье гэж бодсон чинь энэ ертөнц дээр бичих, мэдээлэх юм үнэхээр олон байнаа. Тэгээд ерөөсөө юуг бичмээр байна тэр болгоныгоо бичихээр шийдлээ. За ингээд миний блогд тавтай морил.

I was just wondering how many things a person think about a day, from where how much information is taken? There might be any information about this or at least approximately. I thought I would write this blog with only one topic, but in fact, there are so many things that I can write about in the world. So, I decided to write about all things I wanted to write. Well, welcome to my blog.